هەواڵ
بکوژ دەستگیر نەکراوە
لە گوندێکی گەرمیان کەسێک بە دەستڕێژی گوللـە کوژرا
964+
پێشەوا محەمەد
بەرەبەیانی ئەمڕۆ سێشەممە کەسێک لە گوندی کوڵەجۆی سەر بە ناحییەی کۆکز لە ئیدارەی گەرمیان بە دەستڕێژی گوللـە کوژرا و پۆلیسی گەرمیان دەڵێت، تا ئێستا بکوژ دەستگیر نەکراوە.
بە پێی زانیارییەکانی پۆلیسی گەرمیان، کە بە 964 دراوە، ئەو کەسەی کوژراوە تەمەنی 44 ساڵە و خێزاندارە.
عەلی جەمال قدووری، وتەبێژی پۆلیسی گەرمیان بە 964ـی وت، “ئەو کەسە لەناو ئەو گوندە لە لایەن ماتۆڕسوارێکەوە تەقەی لێکراوە و کوژراوە”.
وتیشی، “تا ئێستا بکوژ دەستگیر نەکراوە، بەڵام ئێمە هەموو رێکارەکانی خۆمان گرتووەتەبەر و بەدوای دەستگیرکردنییەوەین”.
باسی لەوەش کرد، تەرمی کوژراو لە پزیشکی دادییە بە مەبەستی توێکاری.
