هەزار دینار زیاتر مەدە بە لەفەی مریشک

964+

ژووری هەواڵ

لیژنە هاوبەشەکانی قایمقامیەتی قەزای رانیە نرخی ئەو خواردنانەیان دیاریکرد، کە لە خواردنگە گەڕۆکەکانی قەزاکە دەفرۆشرێن.

بە پێی خشتەی نرخەکان، کە ئەمڕۆ چوارشەممە 8.11.2023 لەلایەن قایمقامیەتی رانیە بڵاوکراوەتەوە، دەبێت لەفەی مریشک بە هەزار دینار و فەلافلیش بە 500 دینار بفرۆشرێن.

بۆ کەبابیش، دەبێت هەر 100 غرامێک بە دوو هەزار و 500 دینار بفرۆشرێت، نرخی “کوڵاوی گۆشتی حەیوانیش” بە پێنج هەزار دینار دیاریکراوە.

نرخەکانی دیکەش بەم جۆرە دیاریکراون: لەفەی جگەری خۆماڵی 1250 دینار، لەفەی گۆشتی حەیوان 1500 دینار، تکەی گۆشت بۆ 100 غرام سێ هەزار دینار، تکەی مریشک بۆ 100 غرام دوو هەزار دینار، سادە دوو هەزار و 500 دینار و کوڵاوی مریشک چوار هەزار دینار.

خواردنگەیەک لە ئامێدی ویستویەتی ئەو جۆرە مریشکە دەرخواردی خەڵک بدات