هەواڵ
لە گەشت بووە
منداڵێکی دوو ساڵان لە رووباری خازر خنکا
964+
زەید کۆچەر-دهۆک
درەنگانی ئیوارەی ئەمڕۆ منداڵێکی دوو ساڵان لە رووباری خازر لە نزیک پردی مەندان لە سنووری قەزای بەردەڕەش خنکا و گیانی لەدەست دا.
منداڵەکە لەگەڵ خێزانەکەی چووەتە گەشتێک و دواتر لە خیزانەکەی دیارنامینیت و دوای دۆزینەوەی بینراوە لە ئاودا خنکاوە .
عەقید ئیبراهیم فەریق، بەڕێوەبەری بەرگریی شارستانیی ئاکرێ رووداوەکەی بۆ964 پشتڕاستکردەوە و وتی، منداڵەکە لە نزیک پردی مەندان لە رووباری خازر خنکاوە، کە کەسوکارەکەی دانیشتووی گوندی زەنگەنان لە ناحیەی دارەتوو لە قەزای بەردەڕەش.
وتیشی، ئەمڕۆ لەگەڵ خیزانەکەی چووەتە گەشتیک بۆ رووباری خازر و دواتر دیار نەماوە، دوای ئەوەی کە لێی دەگەڕێن لە ناو ئاودا دەبینینەوە و خنکاوە، تەرمەکەشی هەر لەلایەن خیزانەکەیەوە دەرهێنراوە و دواتر بردوویانە بۆ نەخۆشخانەی بەردەڕەش.
پێداچوونەوە: ئەرسەلان عەبدوڵا
