هۆتێلێک لە سلێمانی - وێنە: 964
سێیەم یاداشتە
کۆمەڵەی میوانخانە و چێشتخانەکان یاداشت دەدەنە دەستەی گەشتوگوزار
964+
پێشەوا محەمەد
کۆمەڵەی چێشتخانە و میوانخانەکانی سلێمانی یاداشتێک دەدەنە دەستەی گەشتوگوزار بۆ جێبەجێکردنی داواکارییەکانیان، ئەوەش سێیەم یاداشتیانە بیدەنە لایەنی پەیوەندیدار.
ئەوان داوا دەکەن باجی 10%ـی شوێنە گەشتیارییە چوار ئەستێرە و پێنج ئەستیرەکان هەڵبگیرێت و پێداچوونەوەش بە سەرجەم رسوماتەکانی دیکەدا بکرێت و پارەی نوێکردنەوەی مۆڵەتیشیان بۆ کەم بکرێتەوە.
مەحمود تۆفیق، سەرۆکی کۆمەڵەی میوانخانە و چێشتخانەکانی سلێمانی بە 964ـی وت، “سەرۆکی دەستە پێیڕاگەیاندین کە هاوکار دەبێت و وتی وەزیری دارایی وتوویەتی پێداچوونەوە بە هەموو رسوماتەکان دەکرێت و باجی 10%ـەیەکەش لادەبرێت”.
لە شاری سلێمانی 650 رێستۆرانت، 60 هۆتێلی میلی و 485 هۆتێلی گەشتیاری بوونیان هەیە لەگەڵ چەندان گوندی گەشتیاری.
بەپێی زانیارییەکانی کۆمەڵەکە، بەهۆی بێبازاڕییەوە 200 هۆتێل و رێستۆرانتی گەشتیاری لە سلێمانی داخراون و 78 شوێنی میللی، کە پێکهاتبوون لە چێشتخانە، میوانخانە و کەبابخانە داخراون.
