هیوایەک بۆ ژیانەوەی هەیە
دارە 100 ساڵەکەی بارزان سووتا
964+
فهرهاد حهسهن
لە بارزان دارێک هەیە تەمەنی سەروو سەد ساڵە، دوێنێ گڕی گرتووە و زۆر بە زەحمەت کوژایەوە، بەڵام تازە کار لە کار ترازاوە و دارەکە فەوتا.
دارە بەتەمەنەکە لە سنوری بارزانە، له جۆرى دارهبهنه و بهرههمى قهزوان دهگرێت، یهكێكه له بهناوبانگترین و بههێزترین ئهو دارانهىە له كوردستان دهڕوێن و بە گشتی تەمەنیان زۆرە.
لە بارزان دەستەیەک پێشمەرگە هەن پێیان دەوترێت ”بەتالیۆنی ژینگەپارێزی بارزان” ئەم دەستەیە ڤیدیۆی دارەکەیان تۆمارکردووە، کە لە بەشی ژێرەوەی قەدەکەی گڕی گرتووە و بڵێسە دەسەنێت، پێشمەرگەکان هەرچی لەگەڵ دەکەن ناکوژێتەوە.
مولازم سدیق حهسهن، بهرپرسی بهشی رۆشنبیرى و راگهیاندنى بەتالیۆنی ژینگەپارێزی بارزان به 964ـى وت ”هێشتا هۆکاری کەوتنەوەی ئاگرەکە نەزانراوە و لێی دەکۆڵینەوە”.
ئهو شوێنهى دارهكهى لێ دهسووتێت ناوى رۆستى سهكۆیه له سنوورى بارزان، بەهۆی تەمەنە زۆرەکەیەوە ناوەکەی کلۆر بووە و ئەوەش هۆکار بووە بۆ خێراتر سووتانی.
مولازم سدیق و هاوڕێکانی ئاگرەکەیان کوژاندووەتەوە، دەشزانن زەرەری زۆری پێ کەوتووە، بەڵام هێشتا بێ هیوا نین، دەڵێت ”زیاتر لە 85%ـى وشك بووه، بهڵام تا سێ ساڵی تریش دهیهێڵنهوه بەڵکو سهرلهنوێ سهوزببێتهوه”.
لە بارزان شوێنەكانی ئاوی خواردنەوە بۆ ئاژەڵە كێوییەكان نۆژەن دەكرێنەوە
