دیمهنێكی كاتى پاككردنهوهى پۆندهكهى سنوورى كۆیه... وێنه: راگهیاندنى ناحیهى ئاشتى
“قوڵ قوڵە”كهى دهشتى كۆیه پاكدهكرێتهوه
فهرهاد حهسهن
بهشێك لهو پۆنده ئاوانهى له سنوورى قهزاى كۆیهدا ههن، پێویسیان به پاككردنهوه ههیه، لهوانهش “قوڵ قوڵه” كهوتووهته سنوورى ناحیهى ئاشتى و ماوهى ههفتهیهكه دهستیان به پاككردنهوهى كردووه.
له سنوورى كۆیه سێ بهنداو و پێنج پۆندی ئاو ههن و كهوتوونهته شوێنی جیاجیاى ئهو قهزایه.
ئهندازیار نهوا محهمهد، بهڕێوهبهرى ئاودێری كۆیه، به 964ـى وت، دهستیان به پاككردنهوهى پۆندهكه كردووه و ماوهى چوار مانگیشی بۆ دیاریكراوه بۆ تهواو بوونى.
وتیشی “ههر لهگهڵ پاككردنهوهى، فلتهریشی بۆ دادهندرێت بۆ ئهوه چیدی قوڕ و لیتهى دهوروبهرى لهناو پۆندهكه نهنیشێتهوه”.
دیوارى پۆندهكه به جۆره بهردێك ههڵدهچندرێتهوه، پێیدهڵێن گابیۆن و دیوارى پۆندهكه به تۆكمهیی دههێڵێتهوه.
بودجهى پاككردنهوهى ئهو پۆنده لهلایهن وەزارەتی کشتوکاڵ و سەرچاوەکانی ئاو دابینكراوه، كه بڕى 169 ملیۆن دیناره.
به قسهى بهڕێوهبهرى ئاودێریی كۆیه، ئهم پۆنده له ساڵى 2011 دروستكردنهكهى تهواو كراوه و دهتوانێت 250 ههزار مهتر سێجا ئاو گلبداتهوه، دهشڵێت “پۆندی دیكهشمان ههن پێویستیان به پاككردنهوه ههیه ، بهڵام چاودێڕی دابینكردنى بودجهین”.
