ئەفسەرێکی بەرگری شارستانی راهێنان بە کارمەندی بەنزینخانەیەک دەکات - وێنە: بەرگری شارستانی سلێمانی
200 کارمەندی بەنزینخانەکانی سلێمانی خولی هۆشیاریان بینیوە
964+
پێشەوا محەمەد
200 کارمەندی بەنزینخانەکانی سلێمانی خولی هۆشیاری مامەڵەکردن لەگەڵ رووداوی کتوپڕیان بینیوە و کۆمەڵەی بەنزینخانەکانی سلێمانیش دەڵێت، خولەکان بەردەوام دەبن.
کارمەندەکان سەبارەت بە ئاگرکەوتنەوە و رووداوە کتوپڕەکانی ناو بەنزینخانەکان ئاگادار دەکرێنەوە و خولەکان لە لایەن بەڕێوەبەرایەتی بەرگری شارستانی سلێمانییەوە دەوترێنەوە.
لە سنووری بەڕێوەبەرایەتی بەرگری شارستانی سلێمانی زیاتر لە 200 بەنزینخانە بوونیان هەیە و بۆ هەر بەنزینخانەیەک دوو کارمەندیان بەشداری خولەکانیان پێ دەکرێت.
بەهمەن قادر، سەرۆکی کۆمەڵەی بەنزینخانەکانی سلێمانی بە 964ـی راگەیاند، خولەکان بێبەرامبەرن و هۆشیارییەکی باش بە کارمەندانی بەنزینخانەکان دەدرێت.
