دیمهنێكی ئۆفهرپاسهكهى ماڵتا له دهۆك ... وێنه: KRG
هێنده‌ى نه‌ماوه به‌بێ ترافیك لایت له هه‌ولێره‌وه بچیته زاخۆ
964+
فه‌رهاد حه‌سه‌ن
كاركردن له پرۆژەی ئەندەرپاس و ئۆڤەرپاسی ماڵتا به‌رده‌وامه و به ته‌واوبوونیشی له هه‌ولێره‌وه بێ ئه‌وه‌ى ترافیك لایتێك بێته به‌رده‌مت، ده‌گه‌یته زاخۆ.
لە هەولێرەوە بۆ زاخۆ 209 کیلۆمەترە و کراوە بە دووساید، چەندین قەزا و ناحیەی به‌سه‌ره‌وه‌یه، به‌ڵام ته‌نیا سێ ترافیک لایتى له‌سه‌ر بوو، ئەوانیش ترافیکی شێخان لە مەفرەقی شێخان، ترافیکی ئێتیت لە دهۆک و ترافیکی بناڤی لە زاخۆ.
پڕۆژه‌ى ئۆڤەرپاسی ماڵتا، كه‌وتووه‌ته سەر شەقامی بارزان لە پارێزگاى دهۆک و گوژمەی 13 ملیار و 145 ملیۆن دینارى لەسەر بودجەی وەبەرهێنانی وەزارەتی شارەوانی بۆ ته‌رخان كراوه.
زیاتر لە شەش هەزار مەتر خزمەتگوزاری شەقام و كاری جۆراوجۆر لەو قۆناغە لەخۆدەگرێت، ئێستاش كاری كۆنكرێتكردن و تۆڕی ئاو و كارەبا و دانانی دیواری پاڵپشت و چەند كارێكی دیکەی تێدا جێبەجێ دەكرێت.
ئێستا بە رێژەی 19% كارەكانی تەواو كراون.
ساڵى پار عەلی تەتەر، پارێزگاری دهۆک رایگەیاندبوو، ترافیک لایتەکانی رێگای هەولێر تا دهۆک، هەڵدەگیردرێن، ئەمەش وەک کارئاسانییەک بۆ گەشتیارو رێبواران.
پێشتر 964 بڵاویكردبووه‌وه، به دروستكردن و ته‌واوكردنی ئه‌و پڕۆژه‌یه، له هه‌ولێر تا زاخۆ، ته‌نیا یه‌ك ترافیك لایت ده‌مێنێته‌وه، كه ئه‌ویش ترافیك لایتی شێخانه و كار بۆ لابردنی ئه‌و ترافیك لایته‌ش ده‌كرێ.
زاخۆ وەک یەکەم شار دەبێتە خاوەنی نەخشەی وەبەرهێنان
