هەولێر و هندرێن بردنەوەیان تۆمار کرد

+964

هێژا خەسرەو ـ هەولێر

لە یارییەکانی گەڕی چوارەمی خولی کوردستان بۆ یاریزانانی تەمەن ژێر 18 ساڵان، یانەی هەولێر لە دەرەوەی یاریگەی خۆیدا بووە میوانی یانەی خەلیفان و یارییەکەی بە ئەنجامی سێ گۆڵ بەرامبەر بە گۆڵێک لێبردەوە.

گۆڵەکانی یانەی هەولێر لەلایەن هێژا خۆشناو و پەیوەند خالید دوو گۆڵ تۆمارکران گۆڵەکەی خەلیفانیش ئارام ئیسماعیل تۆماری کرد.

سەردار فارس راهێنەری هەولێر لە لێدوانێکدا وتی: ئاستی تیپەکەم باشە و رۆژ بە رۆژ ئەوە لە ئاستی تیپەکەم و یاریزانانم دەبینم، ئەوان هەمیشە لە یارییەکاندا باشترین پێشکەش دەکەن.

جگە لە یانەی هەولێر، یانەی هندرێن لە یاریگەی خۆیدا لەگەڵ یانەی رواندز یاری هەبوو، بەڵام یانەی میوان بەهۆی ئەنجامە خراپەکانی رابردووی لەم یارییەدا ئامادەنەبوو، بۆیە هندرێن بە سێ گۆڵی بێبەرامبەر بە براوە دانرا.

پێداچوونەوە: ئەرسەلان عەبدوڵا