لەسەر رێگەی کۆیە ئۆتۆمبێلەکەی وەرگەڕا و گیانی لەدەستدا

هاوبەش ئەبوبەکر

لە رێگەی سەرەکی کۆیە – دوکان رووداوێکی هاتوچۆ روویدا و بەوهۆیەوە کەسێک گیانی لەدەستدا.

هاتوچۆی کۆیە رایگەیاند، ئێوارەی ئەمڕۆ هەینی 1.9.2023، ئۆتۆمبێلێکی جۆری BMW لەسەر رێگەی سەرەکی کۆیە – دوکان وەرگەڕا و بەوهۆیەوە شۆفێرەکەی گیانی لەدەستدا.

هۆکاری وەرگەڕانی ئۆتۆمێلەکە تیژڕەوی بووە و شۆفێرەکە کۆنتڕۆڵی لەدەستداوە، بەڕێوەبەرایەتی هاتوچۆی کۆیە وا دەڵێت.

ئەو کەسەی گیانی لەدەستداوە ناوی یونس فریادە، بەپێی زانیارییەکان، هاوڕێیەکیشی بریندارە و دانیشتووی قەزای چەمچەماڵە.