94 ئاوارە تووشی شێرپەنجە بوون

964+

هەژین فەتاح – دهۆک

لە 15 کەمپی ئاوارەکان لە سنووری پارێزگای دهۆک 94 هاوڵاتی تووشی نەخۆشی شێرپەنجە بوون.

26 هەزار خێزان، کە خەڵکی موسڵ، شنگال، زومار و رۆژئاوای کوردستانن و 135 هەزار کەسن لەو کەمپانەدا دەژین.

زۆرترین تووشبووانی شێرپەنجە لە کەمپی خانکێن بە 15 حاڵەت و کەمپی ماملیانیش هیچ حاڵەتێکی تێدا تۆمار نەکراوە.

چەکدار ئەحمەد، جێگری بەڕێوەبەری سەنتەری دەستنیشانکردنی شێرپەنجە لە دهۆک بە 964ـی راگەیاند، ئاوارەکان لە سەنتەری دەستنیشانکردنی شێرپەنجە لە دهۆک پشکنینیان بۆ دەکرێت و حاڵەتەکانیان دیاری دەکرێت.

وتیشی، “بە گشتی لە سنووری پارێزگای دهۆک و لەناو ئاوارەکانیش شێرپەنجەی مەمک بەربڵاوترینیانە”.