کارمەندێکی کۆمیسیۆنی هەڵبژاردنەکان لەکاتی راییکردنی کارەکەی.
کۆمسیۆنی هەڵبژاردن لە هەولێر: وەرن بۆ نوێکردنەوەی بایۆمەترییەکانتان
964+
هاوبەش ئەبوبەکر
لە ئەمڕۆوە ئەو وادەیە دەستپێدەکات، کە کۆمیسیۆنی باڵای سەربەخۆی هەڵبژاردنەکانی عێراق دیاریکردووە بۆ نوێکردنەوەی داتای بایۆمەترییەکان.
ئەمڕۆ یەکشەممە 9.7.2023، ئارام برادۆستی، بەڕێوەبەری گشتیی نووسینگەی هەولێری کۆمیسیۆنی باڵای سەربەخۆی هەڵبژاردنەکان و راپرسی بە 964ی راگەیاند، دەنگدەران بانگهێشتکراون سەردانی بنکەکانی تۆمارکردنی دەنگدان بکەن.
وادەی نوێکردنەوەی داتای بایۆمەترییەکان لە رێکەوتی 9.7.2023 دەستپێدەکات و لە 7.8.2023 کۆتایی دێت.
هەروەها داواشکراوە، دەنگدەران بەڵگەنامەی پاڵپشتی لەگەڵ خۆیان بھێنن و کاتی دەوامیان لە 8:00ـی بەیانی تا 3:00ـی پاش نیوەڕۆیە.
بڕیارە لە رۆژی 18ـی کانوونی یەکەمی ئەمساڵ، هەڵبژاردنی ئەنجومەنی پارێزگاکانی عێراق بەڕێوەبچێت، کۆمیسیۆنی باڵای هەڵبژاردنەکانیش لە 1ـی تەمموزەوە بۆ ماوەی یەک مانگ دەرگای خۆپاڵاوتن بۆ حزب و هاوپەیمانیەتییەکان دەکاتەوە.