دیمهنێكی شاری دهۆك... وێنه: سۆسیال میدیا
ورمێ لە دهۆک پێشانگا ده‌كاته‌وه
964+
فه‌رهاد حه‌سه‌ن
بڕیاره له داهاتوویه‌كى نزیكدا پێشانگاى پیشه‌سازى و بازرگانى پارێزگاكانى ورمێی رۆژهه‌ڵاتى كوردستان له پارێزگاى دهۆك بكرێته‌وه، ژوورى بازرگانی دهۆكیش ده‌ڵێت، ئێستا شاندێكی ورمێ له شاره‌كه‌یانن.
ئه‌و شانده‌ى نوێنه‌رایه‌تیى پارێزگاى ورمێ ده‌كات بریتین له سەرمایەدار و بازرگانان.
ئەیاد حەسەن، سەرۆکی ژووری بازرگانی و پیشەسازی پارێزگای دهۆک، بە 964ـى وت، شاندێکی کۆمپانیاکان و وەبەرهێنەرانی پارێزگای ورمێ هاتوونەتە پارێزگای دهۆک بۆ کردنەوەی پێشانگایه‌كیان له شاره‌كه‌یاندا.
پێشتر چوار پێشانگای تایبه‌تیی پیشەسازی و بازرگانی کۆمپانیاکانى ورمێ لە دهۆک كراونه‌ته‌وه.
ئه‌یاد حه‌سه‌ن وتیشی، هه‌وڵده‌ده‌ن په‌یوه‌ندیه بازرگانییه‌كانیان له‌گه‌ڵ پارێزگاى ورمێ باشتر بكه‌ن، له‌وه‌ى كه ئێستا هه‌یه.
به گشتى له نێوان هه‌رێمى كوردستان و كۆمارى ئیسلامیی ئێراندا پەیوەندی بازرگانی، پیشەسازی، ئابووری و کولتووریی به‌هێز هه‌یه، به‌رده‌وام ساڵانه پێشانگاى بازرگانى و پیشه‌سارى یان كولتوورى ئه‌و وڵاته له هه‌رێمی كوردستان ده‌كرێته‌وه.