لە زاخۆ نۆ كەس بریندار بوون

964

شڤان عەبدوڵا – زاخۆ

منداڵەكانی دوو دراوسێ لە زاخۆ یاریی ئاگرین بەكار دەهێنن، دەبێت بە شەڕیان و نۆ كەس بریندار بوون.

ئەحمەد رەمەزان، وتەبێژی پۆلیسی زاخۆ بە964ی وت، منداڵەكانی دوو دراوسێ لە گەڕەكێكی زاخۆ یاریی ئاگرینیان بەكارهێناوە، گەورەكانیان بووە بە شەڕیان و بەهۆیەوە نۆكەس بۆینداردەبن و رەوانەی نەخۆشخانە دەكرێن.

ئێستا بریندارەكان لە نەخۆشخانەی فریاكەوتنی زاخۆن و لە ژێر چاودێریی پزیشكیدان و برینەكانیان قورس نییە، هیچ كام لە دوو خێزانەكەش سكاڵایان تۆمارنەكردووە، وتەبێژی پۆلیسی زاخۆ وای وت.

بریندارەكان هەموویان پیاون و بە دار و بەرد سەروچاو و پشت و قاچیان بریندار بووە، هەردوولا لە یەكتریان داوە و یەكتریان بریندار كردووە.

پێداچوونەوە: كوردستان ئەحمەد