بازرگانێکی مادەی هۆشبەر دەستگیرکرا

964+

پێشەوا محەمەد

بەڕێوەبەرایەتی نەهێشتنی مادە هۆشبەرەکانی هەرێم دەستگیرکردنی بازرگانێکی راگەیاند، کە یەک کیلۆ مادەی هۆشبەری لە جۆری کریستاڵ پێبووە.

دەستگیرکردنی بازرگانەکە بە هاوکاری تیمی سواتی سەر بە ئاسایشی هەولێر و بەڕێوەبەرایەتی ئاسایشی کەرکوک ئەنجامدراوە.

بەڕێوەبەرایەتی نەهێشتنی مادە هۆشبەرەکان لە راگەیەندراوێکدا ئاشکرای کردووە، پەڕاوی لێکۆڵینەوە بۆ کەسەکە کراوەتەوە و رووبەڕووی یاسا کراوەتەوە.

هەفتەی رابردووش بازرگانێکی تر بە هەمان مادەی هۆشبەری کریستاڵەوە بە 15 کیلۆوە دەستگیر کرا.