گەنجێکی نیپاڵی لە زێی گەورە خنکا

توانا نەقی

ئێوارەی ئەمڕۆ شەممە، هاوڵاتیەکی نیپاڵی کە بەمەبەستی راوەماسی رۆشتبووە زێی گەورە لە هەولێر خنکا.

ئەو کەسە ناوی نیستال نیتاریە و تەمەنی 33 ساڵە، دانیشتووی شاری هەولێرە.

سەرکەوت کاڕەش، وتەبێژی بەرگری شارستانی هەولێر بە 964ی راگەیاند، لە کاتژمێر 4:30 خولەک تیمەکانی ئەوان ئاگادار کراونەتەوە و دەستبەجێ رۆشتوونەتە شوێنی رووداوەکە.

وتیشی تا ئێستا تەرمەکەی نەدۆزراوەتەوە و شەوەیش ناتوانن تیمەکانیان لە ئاودا بگەڕێن، بۆیە ناچارن تیمی مەلەوانی بەرگری شارستانی قەزای خەبات سبەینی دەستکەنەوە بە گەڕان بەدوای تەرمەکەیدا.

ئاماژەی بەوەشکرد، پۆلیس لێکۆڵینەوەکانی لەسەر رووداوەکە و ئەو کەسە نیپاڵییە دەستپێکردووە.