دیمەنی نەخۆشخانەی منداڵبونی دهۆک کە دوکەڵی رەشی ئاگرەکە دەردەکەوێت- وێنە: 964+
لێكۆڵینەوە لە رووداوەكە دەكرێت
سووتانی نەخۆشخانەكەی دهۆك هیچ زیانێكی گیانی نەبوو
+964
هێڤی دێوالی- دهۆك
پێشنیوەڕۆی ئەمڕۆ ئاگرێک لە نەخۆشخانەی منداڵبوونی دهۆک کەوتەوە، هەندێک کەلوپەلی تەندروستی سووتاون و زیانی گیانی نەبووە.
بێوارعەبدولعەزیز، بەرپرسی راگەیاندنی بەرگری شارستانی دهۆك بە 964 ی وت، هیچ زیانێكی گیانی نەبووە و زەرەری زۆری مادی هەبووە.
وتیشی “لیژنەیەك پێكهێنراوە بۆ لێكۆڵینەوە لە چۆنیەتی روودانی ئاگرەكە و خەمڵاندنی زیانەكان لە نەخۆشخانەكەدا”.
بەپێی زانیارییەکانی 964، تەنیا ژوورێک لە نەخۆشخانەکە سووتاوە، گوایە هۆکارەکەی شۆرتی کارەبا بووە.
پێداچوونەوە: کوردستان ئەحمەد