ئاهەنگگێڕانی یاریزانانی بارسا دوای بردنەوەی لالیگا. فۆتۆ: سۆشیال میدیا
بارسێلۆنا بووه پاڵه‌وانی خولی ئیسپانیا
964+
ئه‌رسه‌لان عه‌بدوڵا
یانه‌ی بارسێلۆنا شه‌وی رابردوو له یاریگه‌ی ئیسپانیۆل ئاهه‌نگی گێڕا، دوای ئه‌وه‌ی بووه پاڵه‌وانی ئه‌م وه‌رزه‌ی لالیگای ئیسپانیا.
له گه‌ری 34ی خولی ئیسپانیا، یانه‌ی بارسێلۆنا له ده‌ره‌وه‌ی یاریگه‌ی خۆی و له دێربیی كه‌ته‌لۆنیا به ئه‌نجامی 4-2 گۆڵ له یانه‌ی ئیسپانیۆلی برده‌وه.
گۆڵه‌كانی بارسا لێڤاندۆڤسكی 2 گۆڵ، باڵدی و كۆندێ تۆماریان كرد، گۆڵه‌كانی ئیسپانیۆل خافێر بوادۆ و خۆسێلۆ تۆماریان كرد.
به‌م ئه‌نجامه یانه‌ی بارسێلۆنا پێش كۆتاییهاتنی خوله‌كه به چوار گه‌ڕ، بووه پاڵه‌وانی ئه‌م وه‌رزه‌ی خولی ئیسپانیا، دوای ئه‌وه‌ی جیاوازی خاڵه‌كانی له‌گه‌ڵ ریال مه‌دریدی ركابه‌ری بۆ 14 خاڵ به‌رزكرده‌وه.
بارسێلۆنا بۆ جاری 27ـه‌مینه له مێژوودا ده‌بێته پاڵه‌وانی لالیگا، ئه‌مه‌ش دووه‌م زۆرترین جاره، له دوای ریال مه‌درید، كه 35 نازناوی هه‌یه.
جێی سه‌رنجه دوای یارییه‌كه له‌گه‌ڵ ئاهه‌نگگێڕانی یانه‌ی بارسێلۆنا و هانده‌رانی، هانده‌رانی یانه‌ی ئیسپانیۆلیش هاتنه ناو یاریگه و جۆرێك له گێره‌شێوێنی روویدا.