سلێمان رەمەزان. فۆتۆ: پەیجی یانەکە
یانه‌ی دهۆك ده‌ستبه‌رداری راهێنه‌ره‌كه‌ی نابێت
964+
ئه‌رسه‌لان عه‌بدوڵا
ده‌سته‌ی كارگێڕیی یانه‌ی دهۆك ده‌ستله‌كاركێشانه‌وه‌ی سلێمان ره‌مه‌زانی راهێنه‌ری یانه‌كه‌ی له خولی عێراق ره‌تكرده‌وه.
یانه‌ی دهۆك له سۆشیال میدیای خۆیدا بڵاویكرده‌وه، ده‌سته‌ی كارگێڕیی یانه‌كه‌ی كۆبووه‌ته‌وه و متمانه‌ی به سلێمان ره‌مه‌زانی راهێنه‌ری تیپی تۆپی پێی یانه‌كه‌ی به‌خشییه‌وه.
سلێمان ره‌مه‌زان، كه خه‌ڵكی شاری دهۆكه و راهێنه‌رێكی به‌ئه‌زموونه، دوێنێ دوای شكستی تیپه‌كه‌ی به‌رامبه‌ر یانه‌ی ته‌ڵه‌به له خولی عێراق، ده‌ستی له كاركێشایه‌وه.
یانه‌ی دهۆك رایگه‌یاند “كاپتن سلێمان ره‌مه‌زان هۆكاری سه‌ركه‌وتنه‌وه‌ی یانه‌كه بوو به خولی نایاب له وه‌رزی رابردوو، هه‌روه‌ها راهێنه‌رێكی سه‌ركه‌وتووه، بۆیه ده‌ستله‌كاركێشانه‌وه‌كه‌ی قبوڵ ناكه‌ن و له‌گه‌ڵ تیپه‌كه به‌رده‌وام ده‌بێت.
له گه‌ڕی 25ی خولی نایابی عێراق، دوێنێ ئێواره یانه‌ی دهۆك به 0-2 گۆڵ به یانه‌ی ته‌ڵه‌به دۆڕا.