هاوردە ناکرێن
لە عەلوەی سلێمانی نرخی پەتاتە و پیاز دوو قات گران بووە
964+
دیلان محەمەد جەزا – سلێمانی
نرخی زۆرینەی بەرهەمەکانی عەلوە بەرزبووتەوە بەڵام لە هەمووی زیاتر پەتاتە و پیاز دووقات چووەتە سەر نرخەکانیان و کیلۆی تا 1200 دینار دەڕوات.
سەروەر عەلی وتەبێژی عەلوەی سلێمانی بە 964ـی وت، نرخی پەتاتە و پیاز زۆر گران بوون و دووقات بەرزبووەتەوە، ئەمە جگە لەوەی کە بەرهەمەکانی دیکەش بەرز بووەنەتەوە.
وتیشی، پەتاتە بە هەمیشەیی قەدەغە کراوە هاوردە بکرێت و بەرهەمی ناوخۆش وەک پێویست نییە بۆیە گران بووە.
سەبارەت بە بەرهەمەکانی دیکە دەڵێت، هەمووی بەشی خۆی گران بووە و بەرزبوونەوەی دۆلار کاریگەری هەبووە لەسەر نرخەکان.
پێداچوونەوە: توانا نەقی