لەسەر رێگای عەربەت - سەیدسادق

کیایەکی دوو تەنی چووەژێر بارهەڵگرێكی ئێرانی و سێ کەس برینداربوون

964+

ئەحمەد محەمەد – سلێمانی

لەسەر رێگای عەربەت بەرەو سەیدسادق، کیایەکی دوو تەنی چووەژێر بارهەڵگرێكی ئێرانی و سێ کەس برینداربوون.

رووداوەكە کەمێک پێش ئێستا و لەسەر شەقامی 30 مەتری عەربەت روویداوە، كیاكە بەرەو سلێمانی رۆیشتووە و بارهەڵگرەكەش کە تابلۆ و رەقەمی ئێرانی پێوەیە، بەرەو سەیدسادق رۆیشتووە، ئاراستەی رێكردنی بارهەڵگرەكە هەڵە بووە و كیاكە خۆی پێ نەگیراوەتەوە و خۆی كردووە بەژێر بارهەڵگرەكەدا.

موقەدەم زانا عەزیز لێپرسراوی بنكەی هاتوچۆی عەربەت بە 964ـی وت، لە رووداوەكەدا سێ کەس برینداربوون کە سەرنشینی کیاکە بوون، هێڵكاری بۆ رووداوەكە كراوەتەوە و بریندارەكانیش رەوانەی نەخۆشخانەکانی سلێمانی کراون.

پێداچوونەوە؛ شۆڕش قادری