دیسان سۆناری چیمەن لەکارکەوت و هەرای نایەوە

کاروان ساڵحی – کەرکوک

دیسان سۆناری بازگەی چیمەن لەکار کەوت و و بەهۆیەوە بارهەڵگر و تانکەرێکی زۆر ماونەتەوە و رێگای سلێمانی بۆ کەرکوک پەکی کەوتووە.

سۆنارەکە لە شەوی رابردووەوە ئیش ناکات، بەپێی ئەو ڤیدیۆیانەی بۆ 964 نێردراون، شۆفێران وەک ناڕازیەتی لەسەر جادەکە دانیشتوون و بارهەڵگر و ئۆتۆمبێلێکی زۆر لەسەر رێگاکە ماتڵ بوون.

شوان بەهادین یەکێکە لەو شۆفێرانەی لە دوێنێ ئێوارەوە لە بازگەکە چاوەڕێیە و دەڵێت: من چیمەنتۆم پێیە و چیمەنتۆکە حکومەتی عێراقی دانی پێداناوە، خۆ تێنتیم پێ نییە سۆنەرم دەکەی، سۆنەریشمان دەکەن سێ بۆ چوار دانە دانێن، یەک سۆنەریان هەیە رۆژی دوو سەعات کار دەکات.

ئەوە دەردی ئەمڕۆ نییە و پێشتریش چەند جارێک کێشەی ئەو سۆنارە جەنجاڵی و قەرەباڵغی لەو ناوچەیە دروست کردووە.

پێداچوونەوە؛ شۆڕش قادری