"کتێب تاکە هاوڕێیە لێت زویر نابێ"
18ـیەمین پێشانگای نێودەڵەتی کتێب لە هەولێری پایتەخت کرایەوە
ئەحمەد شەمزین – هەولێر
18ـیەمین پێشانگای نێودەڵەتی کتێب لە هەولێری پایتەخت کرایەوە و 400 ناوەندی چاپ و بڵاوکراوە بەشدارن لە پێشانگاکەدا.
د. ئەبوبەکر عومەر پارێزەر و یاساناس لەناو پێشانگاکە قسەی بۆ مایکی 964 کردووە و دەڵێت، پێشانگاکە، کتێب و بەرهەمی ناوازەی تێدایە و بەشێوەیەکی زۆر باشتر لە ساڵانی رابردوو رێکخراوە.
د. ئەبوبەکر بۆ ئەمساڵ لە بوارەکەیدا خۆیدا کتێبێکی نووسیوە و لە پێشانگاکە نمایشی کردووە، وەک خۆی دەڵێت، “خوێندنەوە و تێزی دکتۆراکەم ریشی سپی کردم، هاوڕێکانم دوای ئەوەی دوکتۆراکەم تەواو کرد، پێیان وتم بۆ وازوو ریشت سپی بوو”.
دەربارەی کتێب و کتێب خوێندنەوەش، د. ئەبوبەکر دەڵێت، “کتێب تاکە هاوڕێیە کە لێت زویر نابێ، ئیهمالیشی بکەی ئەو جێتناهێڵێ”.
پێداچوونەوە؛ شۆڕش قادری