لەسەر ئاڕپیجی تەقاندنەکە چوار کەس گیران

کاروان ساڵحی – کەرکوک

لەسەر ئاڕپیجی تەقاندنەکەی گوندی خاڵۆبازیانی کەرکوک، چوار کەس دەستگیر کران و سبەی رەوانەی دادگا دەکرێن.

ئەمڕۆ چوارشەممە 14.10.2026 گرتە ڤیدیۆیەک بڵاوبووەوە کە لە کامێرای چاودێرییەوە تۆمار کرابوو و تیایدا دەردەکەوێ لە گوندی خاڵۆبازیانی کەرکوک، کەسێک لە ئۆتۆمێبێلێک دادەبەزێ و ئاڕپیجی بە ماڵێکەوە دەنێ.

سەرچاوەیەک لە پۆلیسی کەرکوک بە 964ـی وت، بە بڕیاری دادوەری دادگای کەرکوک و بە پێی مادەی 430 لەیاسای سزادانی عێراقی چوار كەس لەسەر ئەو رووداوە لەلایەن پۆلیسی قەرەهەنجیر و پاسەوانی سنوورەوە، دەستگیر کراون.

ئاماژەی بەوەشکرد، رووداوەکە لەسەر کێشەیەکی کۆمەڵایەتی بووە و سبەینێ پێنجشەممە، دەستگیرکراوەکان رەوانەی دادگای کەرکوک دەکرێن و لێکۆڵینەوە لەگەڵیان دەستپێدەکات.

پێداچوونەوە؛ شۆڕش قادری