ماڵی هاوڵاتییەک لە کۆیە بە شۆرتی کارەبا سووتا – وێنە؛ بەرگری شارستانی کۆیە
رووداوەکە ئەم بەیانییە و لە کۆیە بووە
شەحنی مۆبایل ئاگری لە ماڵێک بەردا
شۆڕش قادری
شەحنی مۆبایل ئاگری لە ماڵێک بەردا، رووداوەکە ئەم بەیانییە زوو لە کۆیە روویداوە و ماڵی هاوڵاتییەکە زیانی زۆری بەرکەوتووە.
گۆران ئەحمەد بەڕێوەبەری بەرگری شارستانی کۆیە بە 964ـی وت، “کاتژمێر 7:05 خولەکی بەیانی ئەمڕۆ شەممە 3.10.2026 کارمەندەکانمان ئاگادار کراونەتەوە لەوەی کە لە گەڕەکی کەکۆن ماڵی هاوڵاتییەك ئاگری گرتووە”.
“دوای ئاگادارکردنەوەمان دەستبەجێ تیمێکمان چوونەتە شوێنەکە و توانیان لە ماوەیەکی کەمدا ئاگرەکە کۆنتڕۆڵ بکەن، بەڵام بەشێکی ناو ماڵەکە سووتاوە و زیانی ماددی زۆری پێگەیشتووە”، گۆران ئەحمەد وای وت.
ئاشکراشیکرد، شەحنێکی مۆبایل شۆرتی کردووە و لەوێوە ئاگرەکە سەریهەڵداوە و دواتر بۆ ناو ماڵەکە تەشەنەی سەندووە.
