"لە ماڵێ بێزاربووم"
قوتابیان بە جلوبەرگە تازەکانیانەوە چوونەوە ناو هۆڵەکانی خوێندن
964+
ئەحمەد شەمزین – هەولێر
دوای لێدانی زەنگی خوێندنی ئەمساڵ، قوتابیان بە جلوبەرگە تازەکانیانەوە چوونەوە ناو هۆڵەکانی خوێندن و دەستیان بە دەوام کردووە.
لە یەکێک لە قوتابخانەکانی هەولێری پایتەخت، پەیامنێری 964 چەند قوتابییەکی دواندووە، زۆربەیان دڵخۆش بە گەڕانەوەیان بۆ مەکتەب و دەڵێن، لە ماڵێ بێزاربووین.
ئەوان هیوا و ئاواتی رەنگاوڕەنگیان هەیە، هەیە دەیهەوێ ببێ بە دوکتۆر و هەشە ئاواتی مامۆستایەتی و دەیهەوێ لە ساڵانی ئایندەدا هەر لەناو ئەو پۆلانە وانە بە نەوەی داهاتوو بڵێتەوە.
پێداچوونەوە؛ شۆڕش قادری