دوو خوشک بە کاری دەستی بەشداری فێستیڤاڵەکەی زەڵێیان کردووە
964+
ئەحمەد محەمەد- سلێمانی
دوو کچی منداڵ کە خوشکی یەکدین بە کارە دەستییەکانیان بەشداری فێستیڤاڵی کاڵەکیان کردووە لە دەشتی زەڵێی شارباژێڕ، بەڵام وەکو خۆیان باسی دەکەن لە بەیانییەوە هیچیان نەفرۆشتووە.
هەنار و هەستی هیدایەت، پێکەوە قسەیان بۆ 964 کرد و وتیان: بەرهەمەکانمان ئیشی دەستن و ملوانکە و دەستبەندی جوانی تێدایە، بەڵام لە بەیانییەوە هیچمان نەفرۆشتووە.
هەستی کە لە هەناری خوشکی گەورەترە وتی: پاریش بەشداری فێستیڤاڵەکەم کردووە، بەڵام پار باشتر بوو چونکە کەمێکم فرۆشت.