مانگی رابردوو سێ هەزار و 235 هاوڵاتی لە سلێمانی سەردانی سەنتەری شەكرەیان كردووە – وێنە؛ تەندروستی سلێمانی
زۆربەیان تەمەنیان لە نێوان 45 بۆ 64 ساڵدا بووە
مانگی رابردوو 3235 هاوڵاتی لە سلێمانی شەکرەکەیان فڕیوە
شۆڕش قادری
مانگی رابردوو سێ هەزار 235 هاوڵاتی لە سلێمانی شەکرەکەیان فڕیوە و بۆ چارەسەر سەردانی سەنتەری شەكرەیان كردووە، زۆربەیان تەمەنیان لە نێوان 45 بۆ 64 ساڵدا بووە.
بەپێی ئامارێکی بەڕێوەبەرایەتی گشتی تەندروستی سلێمانی لە ماوەی مانگی رابردوودا ئەو نەخۆشانەی سەردانی سەنتەری شەكرە و كوێرەگلاندەكانیان کردووە، هەزار و 368 کەسیان لە رەگەزی نێر بوون وهەزار و 867ـیشیان لە رەگەزی مێ بوون، 59 نەخۆش ئاوارەكان بوون و ئەوانی دیكە دانیشتووی سلێمانی بوون.
818 نەخۆش تەمەنیان لەسەروو (65) ساڵییەوە بووە، هەزار و 862 نەخۆش تەمەنیان لەنێوان (45-64) ساڵدا بووە، 523 نەخۆش تەمەنیان لەنێوان (20-44) ساڵدا بووە و 32 نەخۆشیش تەمەنیان لەخوار (20) ساڵەوە بووە.