ئێمباپێ فۆتۆ: سۆشیال میدیا
ئێمباپێ بووه سه‌ركرده‌ی كه‌ڵه‌شێره‌كان
964+
ئه‌رسه‌لان عه‌بدوڵڵا
دیدیێ دێشامپ راهێنەری هه‌ڵبژارده‌ی فەڕەنسا رایگەیاند، کیلیان ئێمباپێ ئەستێرەی یانەی پاریس سانجێرمان، دەبێتە کاپتنی نوێی هه‌ڵبژارده‌ی كه‌ڵه‌شێره‌كان.
دێشامپ لە کەناڵی TF1ی فه‌ڕه‌نسا ئاشكرای كرد، ئێمباپێ دەبێتە کاپتنی نوێی هەڵبژاردەی فەڕەنسا و ئەنتوان گریزمان دەبێتە جێگرەکەی.
راهێنەری فه‌ڕه‌نسا ده‌ڵێت، ئێمباپێ هەموو تایبه‌تمه‌ندییه‌كی هه‌یه بۆ ئەوەی بەرپرسیاریه‌تیی بگرێتە ئەستۆ و رۆڵی پێشەنگ بگێڕێت لە ناو و ده‌ره‌وه‌ی یاریگه، چونكه یاریزانێكی سه‌ره‌كییه.
ئێمباپێ، تەمەنی 24 ساڵه و لە مانگی ئاداری 2017 په‌یوه‌ندیی به هه‌ڵبژارده‌ی وڵاته‌كه‌ی كردووه، تا ئێستا 66 یاریی نێوده‌وڵه‌تیی كردووه و 36 گۆڵی تۆمار کردووە.
سەبارەت بە گریزمان، ئەو 3 ساڵ پێش پەیوەندیکردنی ئێمباپێ به تیپی نێوده‌وڵه‌تی، په‌یوه‌ندیی به هه‌ڵبژارده‌كه كردووه و لە 117 یارییدا 42 گۆڵی تۆمار کردووە.
هه‌ردوو یاریزان رۆڵی سه‌ره‌كییان هه‌بوو له بردنه‌وه‌ی مۆندیالی 2018 و نه‌یشن لیگی 2021 بۆ فه‌ڕه‌نسا.