دوو کەپڵە کەتەلۆنییەکە. فۆتۆ: سۆشیال میدیا
له یاریی كلاسیكۆ هاوسه‌رگیرییان كرد
964+
ئه‌رسه‌لان عه‌بدوڵڵا
له یاریی كلاسیكۆی شه‌وی رابردووی لالیگای ئیسپانیا، كوڕێك ئه‌لقه‌ی هاوسه‌رگیری پێشكه‌ش به خۆشه‌ویسته‌كه‌ی كرد، ئه‌ویش قبوڵی كرد.
كوڕێكی قۆز ئه‌و بۆنه گه‌وره‌یه‌ی قۆسته‌وه و له ناو یاریگهی كامپ نوو، شه‌وی رابردوو ئه‌لقه‌ی ده‌ستگیرانی پێشكه‌شی خۆشه‌ویسته‌كه‌ی كرد و داوای هاوسه‌رگیری لێكرد و ئه‌ویش رازیی بوو.
كوڕه‌كه و كچه‌كه هانده‌ری بارسێلۆنان و هاتبوونه یاریگه، به‌ڵام كوڕه‌كه پێش ده‌ستپێكردنی یارییه‌كه ئه‌لقه‌كه‌ی پێشكه‌ش كرد.
توویته‌ری یانه‌ی بارسێلۆنا ڤیدیۆی ئه‌و دوو خۆشه‌ویسته‌ی بڵاوكرده‌وه و خۆشیی ئه‌وانیش بوو به دوو خۆشی، دوای ئه‌وه‌ی بارسێلۆناش به 2-1 گۆڵ له یانه‌ی ریال مه‌دریدی برده‌وه.