گەشتوگوزار پاڵپشتییان دەکات
هەفتانە دوو رۆژ بازاڕێک بۆ خانمان لەسەر خەرەندی رواندز دەکرێتەوە
964+
فەرهاد حەسەن
بەرێوەبەرایەتی گەشتوگوزاری رواندز دەڵێت بۆ پاڵپشتیکردنی خانمان هەفتانە دوو رۆژ بازاڕێکیان لە سەر خەرەندی رواندز بۆ دەکەنەوە بە ئامانجی بەبازاڕکردنی بەرهەمە جۆراوجۆرەکانیان.
بە بەمەبەستی هاوكاری و پاڵپشتی خانمانی دەستڕەنگینی رواندز، لە هەنگاوێكدا بەرێوەبەرایەتی گەشتوگوزاری ئەم قەزایە رۆژانی هەینی و شەممەی هەموو هەفتەیەكی دیاریکردووە بۆ کردنەوەی بازاڕ بۆ بەرهەمەکانیان.
ئەو شوێنەی بۆ بازاڕەکە دەستنیشنیان کردووە، لەسەر خەرەندی رواندزە، هەم شوێنێکی سەرەنجڕاکێس و هەمیش میوان و گەشتیاران رووی تێدەکەن.
گەشتوگوزاری رواندز دەڵێت، هەر خانمێكی دەستڕەنگین بەرهەمی دەستكردی هەیە، دەتوانێت نامە بۆ پەیجەکەیان بنێرێت بۆ ئەوەی شوێنی بۆ دابین بكرێت
+1