دیمەنی هێرشێکی ئیسرائیل و ئەمریکا بۆ سەر تارانی پایتەختی ئێران - وێنە؛ ئەرشیف
"کەڵک لە دانوستانەکان وەردەگرن"
مۆسکۆ: رەنگە ئەمریکا و ئیسرائیل ئامادەکاری بۆ هێرشی زەمینی بۆ سەر ئێران بکەن
964+
شۆڕش قادری
روسیا پێیوایە ئەمریکا و ئیسرائیل کەڵک لە دانوستانەکان بۆ ئامادەکاری بۆ هێرشی زەمینی بۆ سەر ئێران وەردەگرن.
ئەنجومەنی ئاسایشی روسیا لە راگەیەنراوێکدا هۆشداری داوە لەسەر ئەوەی کە رەنگە ئەمریکا و ئیسرائیل کەڵک لە پرۆسەی دانوستانەکان بۆ ئامادەکاری و زەمینەسازی بۆ ئەنجامدانی هێرشی زەمینی بۆ سەر ئێران وەربگرن.
ئاماژە بەوەشکراوە کە وەزارەتی جەنگی ئەمریکا بەردەوامە لە ناردنی هێزە و زیادکردنی سەربازییەکانیان لە ناوچەکە و ئەوەش بێ هۆکار نییە.
دوای 39 رۆژ شەڕ و پێکدادان، بەرەبەیانی رۆژی 8ـی ئەم مانگە و بەبڕیاری دۆناڵد ترەمپ سەرۆکی ئەمریکا ئاگربەست بۆ جەنگی ئێران راگەیەنرا و دواتر سەرەتای ئەم هەفتەیە هەردوو شاندی دانوستانکاری واشنتن و تاران لە ئیسلام ئابادی پایتەختی پاکستان کۆبوونەوە بەڵام دانیشتنەکە بێ ئەنجام بوو، بڕیارە بەمنزیکانە جارێکی دیکە کۆببنەوە.
"ئەمریکا ئێستا هیچ پلانێکی بۆ هێرشی زەمینی بۆ سەر ئێران نییە"
