تیمى 964 لە حەسەکەن؛ هێڵى پێشەوەى بەرگرى

964+
توانا نەقى- حەسەکە

زۆربەى دوکان و بازارەکانى حەسەکە داخراون و خەڵک و شەڕڤانان ئامادەن بۆ بەرگریکردن و دۆخى شارەکەش چۆڵى پێوە دیارە.

تیمى 964 لە حەسەکەن، ئەو شارەى بووەتە هێڵى پێشەوەى بەرگرى لە رۆژئاواى کوردستان و باسى دۆخى شارەکە دەکەن.

توانا نەقى نێردراوى 964 لە حەسەکە رایگەیاند، ئەمڕۆ، گەڕانێکى تەواویان بە شارەکەدا کردووە، تاڕادەیەک چۆڵى پێوەدیارە و دوکان و بازارەکان زۆرینەیان داخراون.

وەک ئەوەى باسى دەکات، شارەکە جموجۆڵى سەربازى و چەکدارى پێوە دیارە، هەم شەڕڤانان و هەم دانیشتوانى شارەکە بە ورەیەکى بەرزەوە دەبیندرێن بۆ بەرگریکردن لە شارەکەیان.

داڕشتنەوە: وریا فەتاح