بەفر و باران هەر ئەمڕۆی ماوە

964+

ژێوار خدر

زۆربەی ناوچەکانی هەرێم ئەمڕۆ سپیپۆشن و پلەکانی گەرما دابەزینێکی بەرچاو بەخۆیانەوە دەبینن، بەڵام بۆ سبەینێ بارودۆخەکە ئاسایی دەبێتەوە

بەڕێوەبەرایەتی گشتی کەشناسی و بوومەلەرزەزانی هەرێم رایگەیاند، بەهۆی کاریگەریی بارستە هەوایەکی ساردی جەمسەرییەوە، ئەمڕۆ هەینی، ئاسمانی کوردستان بە گشتی هەورە و بارانی مامناوەند لەگەڵ وردە بەفر و بەفری چڕ زۆربەی ناوچەکانی گرتووەتەوە، پلەکانی گەرما بەراورد بە دوێنێ 4 بۆ 6 پلە دابەزیون، بەڵام ئەم بارودۆخە تەنیا تا کاتەکانی ئێوارە بەردەوام دەبێت، بە تایبەت لە ناوچە شاخاوییەکان، لەگەڵ هاتنی شەودا کاریگەریی ئەم شەپۆلە کۆتایی دێت و کەشوهەوا ئاسایی دەبێتەوە.

بۆ سبەینێ شەممە، پێشبینی دەکرێت ئاسمان لە نێوان پەڵە هەور و نیمچە هەوردا بێت و تەنیا لە ناوچە شاخاوییەکان هەوری تەواو دەبێت،هەرچەندە نزمترین پلەکانی گەرما بۆ شەو 1 تا 2 پلەی دیکە دادەبەزن، بەڵام بەرزترین پلەی گەرمای رۆژ بەراورد بە ئەمڕۆ 1 بۆ 4 پلە بەرز دەبێتەوە، ئەمەش ئاماژەیە بۆ کەمبوونەوەی کاریگەریی ئەو سەرما چڕەی رووی لە ناوچەکە کردووە.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ :

هەولێر : 3 پلەی سیلیزی

سلێمانی : 2 پلەی سیلیزی

هەڵەبجە : 2 پلەی سیلیزی

دهۆک : 2 پلەی سیلیزی

سۆران : 1 پلەی سیلیزی

زاخۆ : 3 پلەی سیلیزی

چەمچەماڵ : 3 پلەی سیلیزی

ئاکرێ : 3 پلەی سیلیزی

پیرمام : 1 پلەی سیلیزی

حاجی ئۆمەران: -3  پلەی سیلیزی

تا چەند بەفر و سەرما کاریگەری لەسەر ئاڵوگۆڕی بازرگانی مەرزەکان هەبووە؟