بەشێک لەو هاوڵاتیانەی لەناو بەفر گیریانخواردبوو گەیشتنەوە ئاوەدانی

ئاکام غەفوور – سۆران

سێ لەو هاوڵاتیانەی لە کوێستانەکانی برادۆست لەناو بەفر گیریانخواردبوو، گەیشتنەوە ئاوەدانی و بە کەسوکاریان شادبوونەوە.

پەیامنێری 964 لەگەڵ ئەو تیمانەیە کە چوون بەدوای ئەو هاوڵاتیانەی لە کوێستانەکانی لۆلان لە دەڤەری برادۆست مابوونەوە، کەمێک لەمەوبەر سێ لەو کەسانە گەیشتنە لای تیمەکان و بە کەسوکاریان شادبوونەوە، ئەوانی دیکەش، تا چەند خولەکێکی دیکە لە شاخەوە دێنەخوارەوە و رزگاریان دەبێت.

دوو شەو و رۆژ بوو ژمارەیەک هاوڵاتی هەرێم و رۆژهەڵاتی کوردستان لە کوێستانەکانی لۆلان لە دەڤەری برادۆست لەناو بەفر گیریانخواردبوو و بەرەبەیانی ئەمڕۆ دووشەممە 29.12.2025 دۆزرانەوە.

پێداچوونەوە؛ شۆڕش قادری