تیمەکانی کارەبای سلێمانی
سلێمانی
بەهۆی بارانبارینەوە چەند گەڕەكێک كارەبایان بڕا
964+
ئەرسەلان عەبدوڵا
كارەبای سلێمانی بڵاویكردەوە، ژمارەیەك فیدەری كارەبا بەهۆی بارانبارینەوە شۆرتیان تێكەوتووە و بەهۆیەوە كارەبای چەند گەڕەكێك بڕاوە.
ئەندازیار غالب محەمەد بەڕێوەبەری کۆنتڕۆڵی کارەبای سلێمانی بە پەیجی فەرمیی بەڕێوەبەرایەتیی كارەبای شارەكەی راگەیاندووە، “بەهۆی بارانبارینەوە شۆرت لەسەر تۆڕەکانی دابەشکردنی کارەبا و ژمارەیەک فیدەر لە ناو شار و دەرەوەی شار دروست بووە، بەم هۆیەوە ژمارەیەک گەڕەک و شوێن کارەبایان نییە”.
ئەوەشی وتووە، “ئێستا تیمی هۆبەکانی دابەشکردنی کارەبا سەرقاڵی چارەسەرکردنی کێشەکانن” .
سەرچاوەكە دەڵێت، ساڵانە لەگەڵ یەکەم بارانباریندا ئەم حاڵەتە دووبارە دەبێتەوە، کێشە تەکنیکییە نادیارەکانی سەر تۆڕەکانی کارەبا دەردەکەوێت و بە زوویی چارەسەر دەکرێن.
هاوكات لە هەولێریش بە هەمان هۆكارەوە لە بەرەبەیانی زووی ئەمڕۆوە لە چەند گەڕەكێكی هەولێریش كارەبا بڕاوە.
