رۆژی دەنگدانی تایبەت
راپۆرتی چاودێرانی هەڵبژاردن و خستنەڕووی سەرجەم سەرپێچی و تێبینییە تۆمارکراوەکان
964+
ژووری هەواڵ
هاوپەیمانیی تۆڕ و رێکخراوە نیشتمانییەکانی چاودێریی هەڵبژاردن، یەکەم راپۆرتی خۆی لەبارەی رۆژی دەنگدانی تایبەت بۆ هەڵبژاردنی ئەنجومەنی نوێنەران راگەیاند و تێیدا ئاماژەی بە تۆمارکردنی چەندین تێبینی و سەرپێچی لە پارێزگاکانی عێراقدا کردووە.
بەپێی راپۆرتەکە، پرۆسەی چاودێریکردنی رۆژی دەنگدانی تایبەت لە 9.11.2025، هەوڵێکی بەرفراوان بووە کە تێیدا 2,250 چاودێری جێگیر و 30 تیمی گەڕۆک بەشدارییان کردووە. لەم رێگەیەوە 8,347 فۆڕمی چاودێری لە 18 پارێزگای عێراقەوە کۆکراونەتەوە.
چاودێرییەکە سەرجەم قۆناغەکانی پرۆسەکەی گرتووەتەوە، لەوانە:
- کردنەوەی وێستگەکانی دەنگدان
- بەڕێوەچوونی پرۆسەی دەنگدان
- داخستنی وێستگەکان
- ژماردن و جیاکردنەوەی دەنگەکان
پێداچوونەوە: مستەفا نەهرۆ
