” دەستدرێژیکردنە سەر هێما ئایینییەکان تاوانێکە دژی مرۆڤایەتی و بەهاکانی گەلی سووریا”

964+

ژێوار خدر

لە دوای بۆردومانەکەی ئەمڕۆی ئیسرائیل بۆ سەر گۆڕەپانی ئەمەوی لە ناوەندی دیمەشق و بارەگای ئەرکانی سوریا، وەک کاردانەوەیەک بەرامبەر بەو پێشێلکاریانەی لە سوەیدا روویاندا مەزڵوم عەبدی فەرماندەی هێزەکانی سوریای دیموکرات لە پێگەی فەرمی خۆی لە ئێکس رایگەیاند، ” کوشتنی ژنان و منداڵان و دەستدرێژیکردنە سەر هێما ئایینییەکان تاوانێکە دژی مرۆڤایەتی و بەهاکانی گەلی سووریا و پێویستە دەستبەجێ ئەم کردەوە دوژمنکارانەیە بوەستێنرێن و ئەنجامدەرانی لێپرسینەوەیان لەگەڵدا بکرێت.”

لە درێژەی پەیامەکەشیدا دەڵێت، دوای 14 ساڵ لە جەنگ، کاتی ئەوە هاتووە خوێنڕشتن رابگیرێت، چونکە سووریا بە تۆڵەکردنەوە بنیات نانرێتەوە، بەڵکو بە گفتوگۆ و ژیری بنیات دەنرێتەوە

دەقی پەیامەکەی مەزڵوم عەبدی بە کوردی

بانگەوازمان لە کەسوکارمانەوە لە سوەیدا پێدەگات، کە داوای دابینکردنی رێڕەوی ئارام بۆ هاوڵاتیانی سڤیل و راگرتنی ئەو هێرشانە دەکەن کە دەکرێنە سەریان.

کوشتنی ژنان و منداڵان و دەستدرێژیکردنە سەر هێما ئایینییەکان تاوانێکە دژی مرۆڤایەتی و بەهاکانی گەلی سووریا، و پێویستە دەستبەجێ ئەم کردەوە دوژمنکارانەیە بوەستێنرێن و ئەنجامدەرانی لێپرسینەوەیان لەگەڵدا بکرێت.

دوای 14 ساڵ لە جەنگ، کاتی ئەوە هاتووە خوێنڕشتن رابگیرێت، چونکە سووریا بە تۆڵەکردنەوە بنیات نانرێتەوە، بەڵکو بە گفتوگۆ و ژیری بنیات دەنرێتەوە.

کێشەی کەسوکارە درووزییەکانمان کێشەیەکی نیشتمانییە و پێویستە چارەسەرەکەی دەستووری و لە رێگەی پەنابردن بۆ گفتوگۆوە بێت.