ترس هەیە ئاگر زیاتر بگاتە باخی هاوڵاتیان
دارستانی سەر رووباری سیروان ئاگری گرتووە
964+
میلاد جەلال
زیاتر لە كاتژمێرێكە ئاگر لە دارستانی سەر رووباری سیروان لە ناحیەی گردەگۆزینە كەوتووەتەوە و تیمەكانی بەرگریی شارستانییش هەوڵی كوژاندنەوەی دەدەن.
964 لەوێیە و ئەو دیمەنانە دەگوازێتەوە، كە ئاگرەكە یەك پارچە نییە و لە چەند شوێنێكی جیاجیای دارستانەكەیە، هەروەها مەترسی ئەوە هەیە بگاتە باخی هاوڵاتیانی ناوچەكە، كە ژمارەیەكی زۆری باخی لێیە.
یەكێك لە هاوڵاتیانی گردەگۆزینە بۆ 964 دەڵێت، جوتیارەكان جاڕەكانیان دەسووتێنن و دواتریش ئاگرەكە لە كۆنتڕۆڵ دەردەچێت.
ئێستا تیمەكانی بەرگریی شارستانی خەریكن ئاگرەكە كۆنتڕۆڵ بكەن.
پێداچوونەوە: ئەرسەلان عەبدوڵا
