بەشێک لە کارمەندانی کۆمیسیۆنی هەڵبژاردن لە ئەرکدا
كۆمسیۆنی باڵای هەڵبژاردن
پێشكەشكردنی لیستی كاندید و هاوپەیمانیەتییەكان مانگێكی دیكە درێژكرایەوە
964+
ئەرسەلان عەبدوڵا
كۆمسیۆنی باڵای سەربەخۆی هەڵبژاردنەكانی عێراق رایگەیاند، دواوادە بۆ پێشكەشكردنی لیستی كاندید و هاوپەیمانیەتییەكان مانگێكی دیكە درێژكرایەوە و تا رۆژی 24.6.2025 دەبێت.
كۆمسیۆنەكە ئەمڕۆ شەممە 24.5.2025 لە گرووپی واتساپی میدیاكاران بڵاویكردەوە، بەپێی وادەی دیاریكراوی پێشوو، سبەی 25.5 دواوادە بوو بۆ پێشكەشكردنی لیستی كاندید و هاوپەیمانیەتییەكان (لیستی كراوە و لیستی تاك) بۆ بەشداریكردن لە هەڵبژاردنی خولی شەشەمی پەرلەمانی عێراق، بەڵام وادەكە مانگێكی دیكە درێژكرایەوە و دواوادە بۆ پێشكەشكردنی ناوی كاندید و هاوپەیمانیەتییەكان تا كۆتایی دەوامی رۆژی 24.6.2025 دەبێت.
بڕیارە هەڵبژاردنی خولی شەشەمی پەرلەمانی عێراق لە 11.11.2025 لە سەرتاسەری عێراق بەڕێوەبچێت.