"بەیعەتی بە داع*ش داوە"
هەڕەشەی لە هێزە ئەمنییەکان و خەڵک کرد؛ دەستگیر کرا
964+
شۆڕش قادری
دەزگای ئاسایشی نیشتمانی عێراق کەسێكی دەستگیر کرد کە بەیعەتی بە دا*عش داوە و هەڕەشەی کوشتنی لە هێزە ئەمنییەکان و خەڵکی مەدەنی کردووە.
دەزگای ئاسایشی نیشتمانی عێراق لە راگەیەنراوێکدا بڵاویکردەوە، “ئەمڕۆ سێشەممە 15.4.2025 لە ئۆپەراسیۆنێکدا لە پارێزگای سەڵاحەدین ئەندامێکی دا*عشمان دەستگیر کردووە کە پێشتر بە بڵاوکردنەوەی گرتەڤیدیۆیەک لە تۆڕە کۆمەڵایەتییەکان هەڕەشەی کوشتنی لە هێزە ئەمنییەکان و خەڵکی مەدەنی کردووە”.
ئاماژە بەوەشکراوە، ئەو کەسە بەیعەتی بە دا*عش داوە و لەڕێی ئەکاونتێکەوە لە تۆڕە کۆمەڵایەتییەکان، پەرەی بە توندوتیژی و تی*رۆر داوە، هەروەها پشتگیری لە پاشماوەی تی*رۆریستی و چالاکییە تاوانکارییەکان کردووە.
هەر بەپێی راگەیەنراوەکەی دەزگای ئاسایشی نیشتمانی عێراق، ئەو کەسە لە بۆسەیەکدا و لە رێگای چوون بۆ زنجیرە چیاکانی حەمرین دەستگیر کراوە، پێش ئەوەی بگاتە لای شانە نووستووەکانی دا*عش لەو سنوورە.
دەزگای ئاسایشی عێراق باندێکی ساختەکاری حەجی هەڵوەشاندەوە
