964+
کاروان ساڵحی-کەرکوک

لە نێوان هەردوو گەڕەکی دۆمیز و کۆبانێ لە کەرکوک،  منداڵێکی تازەلەدایکبوو درنگانێکی شەوی یەک شەممە 23.3.2025 دۆزرایەوە و رادەستی نەخۆشخانەی منداڵان کرا.

موعتەسەم عەزیز، بەرپرسی بەشی نەبەکامەکانی نەخۆشخانەی منداڵانی کەرکوک بە 964ـی وت، درەنگانێکی شەوی یەکشەممە کچێکی تازەلەدایک بوو کە تەمەنی لە نێوان پێنج بۆ شەش کاتژمێر دەبوو، لەسەر پردی نێوان گەڕەکی دۆمیز و گەڕەکی کۆبانی فرێدرابوو، پاشان ئاگاداری مەفرەزەیەکی پۆلیسی سەر ئەو پردە کرا و  منداڵەکە گواسترایەوە نەخۆشخانەی منداڵانی کەرکوک.

وتیشی، “ئەو منداڵە کە هێندرایە لامان، باری تەندروستی زۆر باش نەبوو، بەهۆی ئەوەی نیو کاتژمێر زیاتر لەو شوێنە فڕێدرابوو، جەستەی سەرمایەکی زۆری چەشتبوو، بەڵام دوای ئەوەی لەناو ئامێری تایبەت دامانا، ئێستا باری تەندروستی جێگیرە و ناوی لێنراوە نوڕە.

وتیشی، بەداخەوە زۆربەی ئەۆ منداڵانەی فڕێدەدرێت لە رەگەزی مێن، لە ماوەی ئەمساڵ ئەمە دووەم حاڵەتی فرێدانی منداڵی کۆرپەیە.

رۆژی شەممەی رابردوو 22.3.2025 لە تەنیشت پڕۆژەی ئاوی قەزای ئیسحاقی سەر بە پارێزگای سەڵاحەدین بەهەمان شێوە منداڵێکی دیکە تازەلەدایکبوو دۆزرایەوە.

پێداچوونەوە: ئەرسەلان عەبدوڵا

منداڵێکی تازە لەدایکبوو بەفڕێدراوی دۆزرایەوە

964+

راژان باجەڵان – خانەقین

نرخی قەیماغ لە خانەقین جوڵاوە و دەستی بە بەرزبوونەوە کردووە، هەموو ساڵێک ئەم بەزمە روودەدات لە خانەقین، ئەگەر پێش جەژن کیلۆیەکت بە 24 هەزار دینار کڕیبێت، ئێستا بە 32 هەزار دینار دەستت دەکەوێ.

کڕیارێک بە 964ی وت، رەنگە تا بەیانی بگاتە 40 هەزار دیناریش، چونکە داواکاری زۆری لەسەرە.

سەڵاح جاف، یەکێک لە شیرەمەنی فرۆشەکانی ناوبازاڕی خانەقینە بە 964ی وت، نرخی قەیماغ لە رۆژانی ئاساییدا لە نێوان 16 بۆ 24 هەزار دینار و ئێستا گەیشتووتە 32 هەزار دینار و ئەگەریش هەیە تا بەیانی بەیانییەکەی “رۆژی دووشەممە” بگاتە نزیکەی 40 هەزار دینار ئەوەش بەهۆی زۆری خواستی خەڵک لەسەری.

ئەبو مەهدی دوکاندارێکی ترە و بۆ 964ی گێڕایەوە، لە گوندەکەی خۆیان بەرهەمە شیرەمەنیەکان بەرەو بازاڕ دەهێنن لە ماست و پەنیر و قەیماغ، بەڵام خەڵکی خانەقین لە یەکەم رۆژی جەژن هەموو ساڵێک خواستیان لەسەر کڕینی قەیماغ زیاترە تەنانەت ساڵ هەیە، گەیشتووەتە کیلۆی 60 هەزار، و خاوەن ئەژەڵیش ئەمە وەکو هەل دەزانێت و بە کەیفی خۆی نرخەکەی گران دەکات و بەشێک لە خەڵکیش بێ گوێدانە نرخەکەی هەر دەیکڕن.

لە خانەقین وەکو شوێنێکی فرە نەتەوە کۆمەڵێک نەریتی جیاواز هەیە لە جەژن کە کورد و عەرەب بەیەکەوە کۆ دەکاتەوە، بۆ نموونە لە بەیانیان قەیماغ دەخۆن و بۆ نیوەڕۆش فاسۆلیا و قەیسی میوانی سفرەکان دەبێت.

پێداچوونەوە؛ ئەحمەد مستەفا

+5