ئەو رێستۆرانتەى ژەمێک خواردنى سەروو هەشت دەفتەر دۆلار بوو داخرا

964+

وریا فەتاح

بە بڕیارى پارێزگارى هەولێر، ئەو رێستۆرانتەى بانگەشەى فڕۆشتنى خواردنى گرانبەهاى دەکرد داخرا.

قایمقامییەتى هەولێر بڵاوى کردەوە، دواى بڵاو بوونەوەى گرتە ڤیدۆیەک لە تۆڕەکۆمەڵایەتییەکان، بە بڕیارى پارێزگارى هەولێر، ئەو رێستۆرانتەى بانگەشەى فرۆشتنى جۆرێک خواردنی بە ناوى پیرۆزى کوردستان بە نرخێکى گرانبەها و ئێجگار بەرز دەکرد و بە هۆى پابەند نەبوونى بە یاسا و رێنماییەکان داخرا.

وەک باس دەکرێت، خواردنەکە ستیکێکە بەناوى کوردستان ناونرابوو و نرخى خواردنى ژەمێک سەرووى هەشت دەفتەر دۆلار بووە و کەوچک و چەتاڵ و ئەو قاپەى خواردنەکەى تێدابوو، لە زێڕ و ئەڵماس دروستکرا بوو.