هەولێر

سەگی بێلانە پەلاماری منداڵێكی دا

08:32

964+

دەشتی عارف ـ هەولێر

کچێکی تەمەن پێنج ساڵ لەبەر چاوی دایک و باوکی لەلایەن سەگێکی بێلانەوە پەلامار دەدرێت، لەئێستادا کچەکە باری تەندروستی جێگرە.

کارزان رەحمان باسی ساتی پەلاماری سەگەکەی بۆ 964 کرد و وتی، “لەبەر دەرگا دانیشتبووین و لەناکاو سەگێک هاتو پەلاماری کچە تەمەن پێنج ساڵەکەی دام و دواتریش هەوڵی دا پەلاماری ئێمەش بدات، بەڵام توانیمان سەگەکە دوور بخەینەوە و کچەکەم بگەیەنینە نەخۆشخانە”.

لەبارەی تەندروستی کچەکەشی کارزان وتی، “کچەکەم ئێستا تەندروستی باشه، بەڵام زۆر ترساوە و شەوان خەوی لێ ناکەوێت و خەوی ناخۆش دەبینێت”.

ئەمەش یەکەمجار نیه سەگی بێلانە پەلاماری خەڵکی بدات و ئەم دیمەنانە لە حاڵەتەوە بووەتە دیاردە و خەڵکی داوا دەکەن چارەسەرێک بۆ ئەم کێشەیە بدۆزرێتەوە.

پێداچوونەوە: شۆڕش قادری