وێنەی ئەو شێفانەی لە پێشبڕکێکە بەشداربوون. فۆتۆ: بەڕێوەبەرایەتی گەشتوگوزار
لە سلێمانی
لەنێو 200 شێف هەرێمی کوردستان پلەی سێیەمی بەدەستهێنا
964+
ژووری هەواڵ
لە فێستیڤاڵێکی سلێمانی 200 شێف لە 35 وڵاتەوە پێشبڕکێی خۆشترین خواردنیان ئەنجامدا و هەرێمی کوردستان پلەی سێیەمی بەدەستهێنا.
پێشبڕکێکە لەمیانی فێستیڤاڵی نێودەوڵەتی عێراق و هەرێمی کوردستان بۆ چێشتلێنان لە هۆتێل گراند میلینیۆمی سلێمانی بەڕێوەچوو، براوەکانی یەکەم و دووەم و سێیەم لەسەر ئاستی وڵاتان دەستنیشانکران.
ئەمڕۆ هەینی 4.10.2024، بەڕێوەبەرایەتی گەشتوگوزاری سلێمانی رایگەیاند، لە پێشبڕکێکەدا مەغریب پلەی یەکەم قیرغستان پلەی دووەم و هەرێمی کوردستان پلەی سێیەمی بەدەستهێناوە.
پێشتر، ئارام شوانی، وتەبێژی گەشتوگوزاری سلێمانی بە 964ـی وت، مەدالیا و خەڵاتی رێزلێنان دەدرێت بە شێفە براوەکان و بڕیاریشە ئەمڕۆ کە کۆتا رۆژی فێستیڤاڵە، گەشتێک بۆ سەرجەم بەشداربووان سازبکرێت.
“هەروەها لە درووستکردنی شیرینی، گروپی هەرێمی کوردستان توانیان دوو خەڵات بە دەستبهێنن و لە پێش گروپی وڵاتانی تری بەشداربوو بوون”، بەڕێوەبەرایەتی گەشتوگوزاری سلێمانی وا دەڵێت.
