دیمهنێكى رووداوێكی هاتوچۆ كه شهوى رابردوو له سنوورى ناحیهى پردێ روویدابوو... وێنه: 964+
زۆرى رووداوه‌كان ناچارى كردن
پۆلیس و هاتوچۆى كه‌ركوك رێكاره‌كان له ناوخۆ و رێگاكانى ده‌ره‌وه تووندتر ده‌كه‌نه‌وه
964+
فه‌رهاد حه‌سه‌ن
پۆلیس كه‌ركوك و هاتوچۆى ئه‌م پارێزگایه به‌یه‌كه‌وه ده‌ستیان به جێبه‌جێكردنى پلانێك كردووه كه رێكاره‌كانى هاتوچۆ له‌ناوخۆى كه‌ركوك و رێگاكانى ده‌ره‌وه‌ى پارێزگاكه‌یان تووندتر كردووه‌ته‌وه.
بڕیاره‌كه له‌لایه‌ن فه‌رمانده‌ى پۆلیسی كه‌ركوكه‌وه ده‌رچووه كه رێكار و لێپرسینه‌وه‌كان توندتر بكه‌ن له‌به‌رامبه‌ر ئه‌و شۆفێرانه‌ى پابه‌ندی یاساكانى هاتوچۆ نابن.
به‌پێی راگه‌یه‌ندراوێكى پۆلیسى كه‌ركوك، توندتركردنى رێكاره‌كان به‌هۆى زۆرى رووداوه‌كانى هاتوچۆیه له سنوورى پارێزگاكه‌یان و بۆ ئه‌مه‌ش چه‌ند مه‌فزه‌ریه‌كیان پێكهێناوه له شه‌قه‌مه‌كانى ناوخۆ و رێگاكانى ده‌ره‌وه هه‌ر پابه‌ندنه‌بوونێك یاخود سه‌رپێچییه‌كی شۆفێران ببینن به‌توندى لێپرسینه‌وه‌یان له‌گه‌ڵ بكه‌ن.
رێكاره‌كان ئه‌و ئۆتۆمبێلانه‌ش ده‌گرێته‌وه كه بێ ژماره‌ن.
ئاماژه به‌وه‌شكراوه، ئه‌وان بۆ ئه‌م بڕیاره‌یان پشت به ماده‌ى 25 / 3/ هـ له یاسای هاتوچۆى عێراق به ژماره 8 ده‌به‌ستن كه‌له‌ساڵى 2019 ده‌رچووه.
