دیمەنێکی بەنداوەکە ... وێنە؛ wikipedia
ده‌یانه‌وێت سوود له ئه‌زمونیان وه‌ربگرن
به‌نداوه‌كانى كوردستان سه‌ردانى گه‌وره‌ترین به‌نداوى جیهانیان له چین كردووه
964+
فه‌رهاد حه‌سه‌ن
چه‌ند رۆژێكه شاندێكی به‌نداوه‌كانى هه‌رێمی كوردستان له وڵاتى چینه، وه‌ك خۆیان ده‌ڵێن بۆ ئه‌وه چوونه‌ته ئه‌م وڵاته بۆ ئه‌وه‌ى له‌نزیكه‌وه گه‌وره‌ترین به‌نداوى هایدرۆپاوه‌رى جیهان ببینن و سوود له ئه‌زموونى دروستكردنه‌كه‌ى وه‌ربگرن.
یه‌كه‌م شاندى فه‌رمى وه‌زاره‌تى كشتوكاڵ و سه‌رچاوه‌كانى ئاوى هه‌رێمه كه سه‌ردانى ئه‌م وڵاته‌ى كردووه.
ئاماژه به‌وه‌كراوه، سه‌ردانه‌كه‌یان بۆ بینینى به‌نداوى هایدرۆپاوه‌ره له‌و وڵاته و به‌مه‌به‌ستى سوود وه‌رگرتن له ئه‌زمونیان.
به‌نداوه‌كه ناوى Three Gorges Dam له‌ساڵانى 1994 تاوه‌كو 2006 له‌سه‌ر رووبارى یانغتسی دروستكراوه، به‌رزییه‌كه‌ى 185 مه‌تر و درێژى دوو هه‌زار و 309 و پانى له ژێره‌وه 115 مه‌تر و له‌سه‌ره‌وه‌ش 40 مه‌تره.
قه‌باره‌ى كۆگاكردنى ئاو له‌م به‌نداوه 41 ملیار مه‌تر سێجایه و له‌توانای دایه 20 هه‌زار مێگاوات کارەبا به‌رهه‌مبهێنێت .
28 ملیۆن موكه‌عه‌ب كه‌ره‌سته‌ى كۆنكرێتى و 510 هه‌زار تۆن ئاسن له دروستكردنى ئه‌م به‌نداوه به‌كارهاتووه.
ئه‌و رووبه‌ره زه‌ویه‌ى كه‌وتووه‌ته ژێر به‌نداوه‌كه به‌درێژایی 600 كیلۆمه‌تره و بڕى 30 ملیار دۆلار له دروستكردنى خه‌رج كراوه و 40 هه‌زار كه‌سیش كارى تێدا ده‌كه‌ن.
هه‌موو ئه‌م زانیارانه‌ى سه‌ره‌وه له‌لایه‌ن به‌ڕێوه‌به‌رایه‌تى به‌نداوى دهۆكه‌وه بڵاوكراوه‌ته‌وه.
