لە یەک مانگدا زیاتر لە 16 هەزار منداڵ لە نەخۆشخانەی منداڵانی سلێمانی بینراون

توانا نەقی

بە پێی ئاماری نەخؤشخانەی منداڵانی سلێمانی لە ماوەی مانگی رابردوودا زیاتر لە 16 هەزار منداڵ بینراون و سەرجەمیان چارەسەری پێویستیان بۆ کراوە.

ئەمڕۆ سێشەممە، تەندروستی سلێمانی بڵاویکردەوە،لەماوەی مانگی رابردوو لەرێكەوتی 1 بۆ 31.7.2024 لەنەخۆشخانەی د. جەمال ئەحمەد رەشیدی منداڵانی فێركاری لەشاری سلێمانی 16هەزار و 380 منداڵ بینراون لە نەخؤشخانەکە.

دەشڵێت، لە هەردوو بەشی دەوامی بەیانیان و ئێورانی نەخؤشخانەکە چارەسەر بۆ ئەو منداڵانە کراون و لەو رێژەیەش تەنیان دوو هەزار و 583 منداڵ داخڵ کراون.

هەربەپێی ئامارەکە، لەمانگی رابردوودا لە نەخۆشخانەی منداڵان هەزار و 158 حاڵەتی سكچون و رشانەوە و وشكبوونەوە و 356 حاڵەتی هەناسەتوندی تۆماركراون، هەروەها 373 منداڵ لە بەشی تیشك و دەمار و 286 منداڵ لەبەشی بەدخۆراكی و 412 منداڵ لەبەشی راهێنانەوەی چارەسەری خۆراك و 140 منداڵ لەبەشی هەرس و جگەر بینراون.

هەر لەو ماوەیەدا لەنەخۆشخانەی د.جەمال ئەحمەد رەشیدی مناڵانی فێركاری 19 هەزار و 216 پشكنینی تاقیگەیی جۆراوجۆر و 630 سۆنەر و 83 ئیكۆ و 31 نازور ئەنجامدراوە و 543 تیشك گیراوە.