له راپه‌ڕین
دوو هاوڵاتی ده‌ستگیركران و 10 كه‌ویش ئازاد كران
964+
فه‌رهاد حه‌سه‌ن
پۆلیسی دارستان و ژینگه راپه‌ڕین ده‌ڵێت، دوو هاوڵاتیان ده‌ستگیركردووه، 10 كه‌ویان پێبووه، رێكاری یاساییان له‌به‌رامبه‌ریان گرتووه‌ته به‌ر و كه‌وه‌كانیشان ئازادى ناو سروست كردووه‌ته‌وه.
رووداوه‌كه، ئێواره‌ى دوێنێ پێنجشه‌ممه روویداوه، به‌ڵام پۆلیسی دارستان و ژینگه دره‌نگانى شه‌وى رابردوو ڤیدیۆى ئازادكردنى كه‌وه‌كان و ئه‌م زانیاریانه‌ى بڵاوكردووه‌ته‌وه.
ئاماژه‌ى به‌وه كردووه، لەلایەن بەڕێـوەبەری بەشی بازگەکانی راپەڕین ئاگادارکراونه‌تەوە كه دوو هاوڵاتی لە بازگەی ئامان زەمان 10 باڵندەی کەویان پێیە، ئه‌وانیش گه‌یشتوونه‌ته بازگه‌كه و دوو هاوڵاتی و كه‌وه‌كانیان راده‌ست كراون.
روونیش كراوه‌ته‌وه، دواى گرتنه‌به‌رى رێكارى یاسایی له‌به‌رامبه‌ر دوو راوچییه‌كه، دادوه‌ر بڕیاری داوه كه‌وه‌كان ئازادى ناو شروست بكرێنه‌وه، پۆلیسی دارستان و ژینگه‌ى رانیه‌ش بڕیاره‌كه‌ى جێبه‌جێ كردووه.
