دیمهنێكی چاهرهسهركردنى كهسێكی توشبوو به كێشه‌ى هه‌ناسه‌دان له بنكهیهكى تهندروستى به‌رده‌ڕه‌ش... وێنه: بهڕێوهبهرایهتى گشتى تهنردوستى به‌رده‌ڕه‌ش
بەردەڕەش
رۆژانه بە لای كەمەوە 12 كه‌س تووشی كێشه‌ى هه‌ناسه‌دان دەبن
964+
فه‌رهاد حه‌سه‌ن
له قه‌زاى به‌رده‌ڕه‌ش رۆژانه بە لای كەمەوە 12 هاوڵاتی به‌هۆى بوونى كێشه له هه‌ناسه‌دان سه‌ردانى ناوه‌نده ته‌ندروستییه‌كانیان كردووه و چاره‌سه‌ریان وه‌رگرتووه.
ژماره‌ى ئه‌م هاوڵاتیانه له ئامارێكی به‌ڕێوه‌به‌رایه‌تیى گشتیى ته‌ندروستیی به‌رده‌ڕه‌شه‌وه هاتووه، كه بۆ مانگى ته‌مووز بڵاویكردووه‌ته‌وه.
به‌پێی ئاماره‌كه، له ماوه‌ى ئه‌و مانگه 361 هاوڵاتى سه‌ردانى ناوه‌نده ته‌ندروستییه‌كانیان كردووه و پشكنینى هه‌وكردنى بۆرى هه‌ناسه‌دانیان بۆ كراوه.
هاوڵاتییه تووشبووه‌كان سه‌ردانى 15 ناوه‌ند و بنكه‌ى ته‌ندروستییان له سنوورى قه‌زاكه‌دا كردووه و چاره‌سه‌ریان بۆ كراوه.
به شێوه‌یه‌كی گشتى له ماوه‌ى مانگى ته‌مموزدا 12 هه‌زار و 117 هاوڵاتی سه‌ردانى ناوه‌نده ته‌ندروستییه‌كانیان كردووه و پشكنینى چاویش بۆ هه‌زار و 358 قوتابى له زانكۆ، په‌یمانگا، بنه‌ڕه‌تى، ئاماده‌یی و باخچه‌ى ساوایان كراوه.
هه‌ر له‌ماوه‌ى ئه‌م مانگه‌دا له سنوورى قه‌زاى به‌رده‌ڕه‌ش هه‌شت هاوڵاتی به هۆكارى جیاجیا گیانیان له‌ده‌ستداوه و له به‌رامبه‌ریشدا 101 منداڵیش له‌دایكبوونه.
